2017 yilda faoliyatini boshlagan BMB Trade Group kompaniyasi dinamik tarzda rivojlanayotgan yangi va zamonaviy kompaniya hisoblanadi.

Kompaniyada mehnat qilayotgan mutaxassislar iqtisodiyot va biznesning turli sohalarida katta tajribaga ega hamda o'z maqsadlariga erishish yo'lida barcha saloxiyatlarini namoyon etmoqdalar.

  Kompaniyaning asosiy faoliyat turlari va maqsadi:

- xalqaro iqtisodiy hamkorlikni rivojlantirish;

- xorijiy investitsiyalarni jalb qilish;

- konsalting xizmatlarini ko'rsatish;

- zamonaviy agrosanoat majmualarini yaratish;

- yuqori sifatli qishloq xo'jalik mahsulotlari va dorivor o'simliklarni yetishtirish va eksport qilish;

- qishloq xo'jaligida ishlab chiqarishni boshqarish uchun zamonaviy usullarini joriy qilish; 

- chet ellarda muvaffaqiyatli qo'llaniladigan innovatsion texnologiyalarni tadbiq etish;

- rivojlangan mamlakatlarda qayta tayyorlash orqali xodimlarning kasbiy salohiyatini oshirishdir;

- xorijiy investitsiyalarni jalb qilish;

- innovatsion g'oyalarni joriy etish;

- aholi uchun munosib turmush darajasini ta'minlash bo'yicha davlat siyosatida faol ishtirok etishdan iborat.

Kompaniya bosh ofisi Toshkent shahrida joylashgan. Kompaniyaning uchta sho'ba: «BMB Agro Trade», «BMB Export Global» и «BMB Logistic» kompaniyalari mavjud.

BMB Agro Trade kompaniyasi hozirgi vaqtda qishloq xo'jaligi mahsulotlarini yetishtirish eksport qilish bilan shug'ullanadi. Kompaniyaning asosiy yo'nalishlari quyidagilardir: qishloq xo'jaligi mahsulotlarini yetishtirish, qayta ishlash va eksport qilish.

BMB Export Global korhonasi yetishtirilgan sabzovot va meva mahsulotlarini eksport qilishni o'z oldiga maqsad qilgan.

Kompaniyaning vazifasi yurtimizda yetishtirilgan mahalliy raqobatbardosh mahsulotlarni bosqichma-bosqich dunyo bozoriga olib chiqish. Korhonada yuqori tajribaga ega malakali soha mutahassislari faoliyat yuritmoqda. Shu qatorda korhona mijozga tabiiy mahsulotlarni maqbul narhlarda, tez va sifatli yetkazib berish bo’yicha mas’uliyatni zimmasiga oladi.

BMB Logistic kompaniyasining asosiy faoliyati: tovarlar va yuklarni saqlash, etkazib berish va xizmat ko'rsatishga qaratilgan.

O'tgan davr mobaynida chet ellik ishbilarmonlar bilan hamkorlikni yo'lga qo'yish va O'zbekiston Respublikasining investitsion salohiyatini oshirish maqsadida kompaniya rahbariyati 30 dan ortiq mamlakatlarda xizmat safarlari bilan bo'lishgan va 50 dan ortiq mamlakatning ishbilarmon vakillari bilan uchrashgan. Ushbu yo'nalishdagi ishlarning samarasi o'laroq, bugungi kungacha mamlakatimizga tashrif buyurgan Huete International (Ispaniya) - issiqxonalar, Energio (Ispaniya) - muqobil energiya va energiyani tejovchi texnologiyalar, Emas (Ozarbayjon) - kommunal va muhandislik kommunikatsiyalar, Viridian AG (Shveytsariya) - farmatsevtika sohasidagi kompaniyalari bilan hamkorlik to'g'risidagi bitimlar imzolangan. Hozirgi kunda BMB Trade Group Xitoy, Ispaniya va Birlashgan Arab Amirliklari singari mamlakatlarda bir nechta chet el vakillariga ega. Birgalikda amalga oshirilgan sa'y-harakatlar natijasida O'zbekistonda birinchi choy plantatsiyasi Xitoyning Bay-Tea Group kompaniyasi bilan birgalikda  yaratilgan. Jizzax viloyatining Zomin tumanida umumiy maydoni 2 gektar bo'lgan choy etishtirish uchun issiqxonalar qurilishi rejalashtirilgan. 

Choy yetishtirishni rivojlantirish ilmiy-ishlab chiqarish markazi tashkil etilib, uning asosiy vazifalari:

- Choy urug’lari va ko’chatlarini tayyorlashni tashkil qilish, fermer xo’jaliklari va tadbirkorlarni urug’lar va ko’chatlar bilan ta’minlash, Respublikaning iqlimi va boshqa sharoitlarini hisobga olgan holda choy yetishtirish texnologiyasini ishlab chiqish, sanoat choy plantatsiyalarini tashkil qilish, choy mahsulotini tayyorlash hajmlarini izchil oshirib borish, choy mahsulotini sanoat yo’li bilan qayta ishlash va qadoqlashning zamonaviy liniyalarini joriy etish, mahsulotni xorijiy davlatlarga chiqarish uchun uning yuqori sifatini saqlash va marketing tizimini ishlab chiqish, tajriba almashish, choy yetishtirish va choy mahsulotini ishlab chiqarishning sinovdan o’tkazilgan zamonaviy texnologiyalarini jalb qilish uchun jahondagi choy ishlab chiqaruvchilar bilan keng ko’lamli xalqaro aloqalarni yo’lga qo’yish. Ushbu loyiha doirasida Jizzax viloyatining Zomin tumanida choy va choy ishlab chiqaruvchi zavodi qurilishi boshlandi.

Bundan tashqari, Ozarbayjon hamkorlar bilan birgalikda "BMB AZ Modern Engineering" kompaniyasi tashkil etildi. Kompaniya muhandislik sohasidagi turli tuzilmalarni kompleks ravishda tadbiq qilish, ularni modernizatsiya, rekonstruktsiya qilish, texnik xizmat ko'rsatish, mijozlarning ehtiyojlari va talablariga muvofiq amalga oshiradi.